Tumhara pyar chup chup kar kayi chehre

Tumhara pyar chup chup kar kayi chehre badlta hai Mujhe Tum Yaad Aate Ho 
Tumhara hijr shiddat se mere Dil ko maslta hai Mujhe Tum Yeed Aate Ho

Samandar aashna Aankhon mein sehra aan baste hai Muje Tumhein jab bhool jata hon
Phir in sehraon mein ik khawab ka chashma nikalta hai Mujhe Tum Yaad Aate Ho 

Mein apne hath se teri sunehri yaad ki palkein sajata hon kheyalon mein 
Kheyalon mein tera mosam kayi pehloo badalta hai Mujhe Tum Yaad Aate Ho 

Teri parchaiyan har su meri tanhaiyon ka raqs karti hain udasi par 
Mere seene mein ik be chein sa bacha machalta hai Mujhe Tum Yaad Aate Ho 

Kisi foot path par bazar mein baghat mein ya phir kisi darya kinare par
Buhat khush ho ke jab koi kisi ke sath chalta hai Mujhe Tum Yaad Aate Ho 

Mein sara din koi sangi mujasmah ban ke rehta hon magar jab Sham dhalti hai
Mere Dil ki jagah par koi pathar sa pighalta hai Mujhe Tum Yaad Aate Ho 

Tasweer mein tumhare sang biti barishein aksar Tumhein Aawaz deti hain
Nigahon mein tumhari Dhoop ka ik deep jalta hai Mujhe Tum Yaad Aate Ho 

Kabhi koi sitare Aankh se hota hua bujhta hai aake god mein gir kar
Kabhi koi buhat hi door ubharta aur dhalta hai Mujhe Tum Yaad Aate Ho 

Related Posts

Share this page:

0 Comments

Write a Comment

Your email address will not be published.
Required fields are marked *