maa mujhe neend nahi aati hai

maa mujhe neend nahi aati hai 
aik muddat se mujhe neend nahi aati hai 
maa'n mujhe lori sunao na 
sula do na mujhe 
maa'n mujhe neend nahi aati hai 
rat jagay ab to muqaddar hain meri palkon k 
neend aye to liye aati hai baghdad ki yad 
ankh lagte hi koi baiva utha deti hai 
pait kitna hi bharoon bhook nahi mit'ti hai 
jalte basra ki mujhe piyas jaga deti hai 
koi qandahar ki wadi se bulata hai mujhe 
zikar qandooz ka aye to mujhe lagta hai 
kaat k sar koi ----- hansta hai , jalata hai mujhe 
bam ki awazain mujhe kuch nahi kehti hain magar 
zakhm in bachon k sonay nahi dete hain mujhe 
maa'n! meri ankhain to pathar ki hoi jaati hain 
nojawa'n laashay yeh ronay nahi dete hain mujhe 
mere seenay pe rakho hath 
rula do na mujhe ....
maa'n mujhe lori sunao na
sula do na mujhe
maa'n mujhe neend nahi aati hai 
aik muddat se mujhe neend nahi aati hai .


wasi shah

Related Posts

Share this page:

0 Comments

Write a Comment

Your email address will not be published.
Required fields are marked *