Taza Mohabbaton ka nasha jisam

Taza Mohabbaton ka nasha jisam o jaan mein hai 
phir mousam e bahar mairay gulastaan mein hai 
Ik khawb hai keh bar e digar daikhtay hein 
Ik aashna si roshni saray makaan mein hai 
Ik shakh e yasmeen thi kal tuk khizan asar 
aur aaj sara baagh ussi ki amaan mein hai 
tabish mein apni meh o maho najam k siwa 
jugnoo si yeh zameen jo kaf e asmaan mein hai 
khushboo ko tark kar kay na laye chaman mein rung 
itni tu soojh boojh mairay baghbaan mein hai 
har jan nisaar yad’dehani mein munhamiq 
naiki ka har hisaab dil e dostaan mein hai 
baithay rahaain gai shaam talak taira sheesha gar 
yeh jantay howay keh khasara dukaan mein hai

Related Posts

Share this page:

0 Comments

Write a Comment

Your email address will not be published.
Required fields are marked *