Raanaai-e-kaunain se be-zaar humeen the

Raanaai-e-kaunain se be-zaar humeen the,
Hum the, tere jalwon ke talabgaar humeen the !

Hai farq talabgaar-o-parastaar mein aye dost,
Duniya thi talabgaar parastaar humeen the !
 
Is banda-navaazi ke tasadduq ke sar-e-mehshar,
Goya teri rehmat ke sazaa-waar humeen the !
 
De de ke nigaahon ke tasawwur ka sahaara,
Raton ko tere waaste bedaar humeen the !
 
Bazaar-e-azal yun to bahot garm tha lekin,
Le de ke mohabbat ke khareedar humeen the !
 
Khatke hain tere saare gulistaan ki nazar mein,
Sab apni jagah phool the khaar humeen the !
 
Haan aap ko dekha tha mohabbat se humeen ne,
Jii saare zamaane ke gunahgaar humeen the !
 
Hai aaj wo soorat ke banaaye nahin banti,
Kal naqsh-e-do-aalam ke kalamkaar humeen the !
 
Pachhtaaoge dekho humein begaana samajh kar,
Maanoge kisi waqt ke gham-khwaar humeen the !
 
Arbaab-e-watan khush hain humein dil se bhulaa kar,
Jaise nigah-o-dil pe bas ik baar humeen the !
 
‘Ehsaan’ hai be-sood gila unki jafaa ka,
Chaaha tha unhein hum ne, khatawaar humeen the !

Ehsaan Danish Sahab

Related Posts

Share this page:

0 Comments

Write a Comment

Your email address will not be published.
Required fields are marked *

A PHP Error was encountered

Severity: Warning

Message: count(): Parameter must be an array or an object that implements Countable

Filename: poetries/sidebar_right_poetry.php

Line Number: 67

Backtrace:

File: /home/alifseye/public_html/application/views/frontend/poetries/sidebar_right_poetry.php
Line: 67
Function: _error_handler

File: /home/alifseye/public_html/application/views/frontend/poetries/poetries_single.php
Line: 194
Function: view

File: /home/alifseye/public_html/application/controllers/Poetries.php
Line: 62
Function: view

File: /home/alifseye/public_html/index.php
Line: 315
Function: require_once