Marun To Main Kisii Chehare Mein Rang Bhar Jaun
Nadeem Kaash Yahi Ek Kaam Kar Jaun
Ye Dasht-E-Tark-E-Muhabbat Ye Tere Qurb Kii Pyaas
Jo IzaN Ho To Teri Yaad Se Guzar Jaun
Meraa Vajud Merii Rooh Ko Pukaarataa Hai
Terii Taraf Bhii ChaluN To Thahar Thahar Jaun
Tere Jamaal Kaa Paratau Hai Sab Hasiinon Par
KahaaN KahaaN Tujhe DhoondhuN Kidhar Kidhar Jaun
MaiN Zindaa Thaa Ki Teraa Intazaar Khatm Na Ho
Jo Tuu Milaa Hai To Ab Sochataa HuN Mar Jaaun
Ye Sochataa HuN Ki Mai.N But_parast KyuN Na Huaa
Tujhe Qariib Jo PaauN To Khud Se Dar Jaaun
Kisii Chaman MeiN Bas Is Khauf Se Guzar Na Huaa
Kisii Kalii Pe Na Bhuule Se Paaon Dhar Jaaun
Ye Jii MeiN Aatii Hai TaKhliiq-E-Fan Ke LamhoN Mein
Ki Khuun Ban Ke Rag-E-Sang MeiN Utar Jaaun
