Zehanon main Khayaal jal rahe hain

Zehano.n me.n Khayaal jal rahe hain
Socho.n ke alaav-se lage hain

Duniyaa ki Girift Mein Hain Saaye
Hum Apna Wajood Dhoondhatey Hain

Ab Bhookh Say Koi Kyaa Marey Ga
Mandi Mein Zamir Bik Rahey Hain

Maazi Mein To Sirf Dil Dukhatey They
Is Daur Mein Zehan Bhi Dukhey Hain

Sir Kaatatey They Kabhi Shehanshah
Ab Log Zubaan Kaatatey Hain

Hum Kaisey Churraayein Shab Sey Daaman
Din Nikala To Saaye Chal Parrey Hain

Laashon K Hujoom Mein Bhii Hans Dein
Ab Aisey Bhii Hausaley Kisey Hain
 

Related Posts

Share this page:

0 Comments

Write a Comment

Your email address will not be published.
Required fields are marked *