Koi Dhundla Sa Aik Chehra Meri

Koi Dhundla Sa Aik Chehra Meri Ankhon Mein Rehta Hai

Koi Batakta Sa Aik Jugnu Mere Khuwabon Mein Rehta Hai

Aik Manoos Si Awaz Mujhe Sone Nahi Deti

Koi Uljha Sa Aik Jumla Meri Yadon Mein Rehta Hai

Hai Kis K Shabnami Anchal Ki Khusboo Ab Talak Mujh Mein

Koi Ehsas Mehka Sa Meri Sanson Mein Rehta Hai

Mujhe Khud Par Nahi Kabu Na Main Kuch Bol Sakta Hu

Asar Ye Kis K Alfazon Ka Meri Baton Mein Rehta Hai

December Ki Khanak Ratein Mujhe Bechain Kar Rakhti Hain

Lams Aik Hath Ka Ab Tak Meri Sochon Mein Rehta Hai

Hai Dil B Muztarib Ehsas B Sochon Ki Uljhan B

Ye Kis Ki Ankh Ka Anso Meri Ankh Mein Rehta Hai.

Wasi Shah

Related Posts

Share this page:

0 Comments

Write a Comment

Your email address will not be published.
Required fields are marked *