Udaas raton mein tez cofee ki

Udaas raton mein tez cofee ki talkhion mein 
Wo kuch zaida he yad ata he sardion mein 

Mujhay ijazat nahi he us ko pukarnay ki 
Jo goonjta he laho mein senay ki dharknon mein 

Wo bachpan jo udaas rahon mein kho gia tha 
Mein dhondta hon usay tuhmari shararton mein 

Usay dilasay tu day raha hon magar ye sach he 
Kahin koi khauf bharh raha he tasalion mein 

Tu apni pooron say janay kia likh gaey thay janaN 
Charagh roshan hein abhi meri hathelion mein 

Jo tu nehi he tu ye mukammal na ho skein gi 
Teri yahi ehmiyat he meri kahanion mein 

Mujhay yaqeen he wo tham lay ga bharm rkhay ga 
Ye man he tu diay jalanay hein aandhion mein 

Har ek mausam mein roshni se bakhertay hein 
Tumharay gham k charagh meri udasion mein 
?

Wasi Shah

Related Posts

Share this page:

0 Comments

Write a Comment

Your email address will not be published.
Required fields are marked *