Hazaron Dukh Paren Sehna Mohabbat

Hazaron Dukh Paren Sehna Mohabbat Mar Nahi Sakti
Hai Tum Se Bus Yahe Kehna Mohabbat Mar Nahi Sakti

Tera Har Bar Mere Khat Ko Parhna Aur Ro Dena
Mera Har Bar Likh Dena Mohabbat Mar Nahi Sakti

Kiya Tha Hum Ne Campus Ki Nadi Par Ek Haseen Wada
Bhaly Hum Ko Parhy Marna Mohabbat Mar Nahi Sakti

Jahan Mein Jab Talak Panchi Chahaktey Urhtey Phirty Hain
Hai Jab Tak Phool Ka Khilna Mohabbat Mar Nahi Sakti

Purane Ah-Had Ko Jab Zinda Karne Ka Khayal Aey
Mujhe Bus Itna Likh Dena Mohabbat Mar Nahi Sakti

Wo Tera Hijar Ki Shab Main Fone Rakhany Se Zara Pehley
Bahat Rotey Huwe Kehna Mohabbat Mar Nahi Sakti

Agar Hum Has-Raton Ki Qabar Mein He Dafan Ho Jaen
To Yeh Qatbon Pe Likh Dena Mohabbat Mar Nahi Sakti

Purane Rabton Ko Phir Nae Waade Ki Khawahish Hai
Zara Aik Baar To Kehna Mohabbat Mar Nahi Sakti

Gae Lamhat Fursat Ke Kahan Se Dhoond Kar Laon
Wo Pehron Hath Par Likhna Mohabbat Mar Nahi Saktia
 

Wasi Shah

Related Posts

Share this page:

0 Comments

Write a Comment

Your email address will not be published.
Required fields are marked *