Tang Aa Chukay Hein Kash-ma-kash-e-Zindagi Say Hum
Thookra Na Dein Jahan Ko Kahin Bay Dili Say Hum
Tang-Aa-Chukay
Lo Aaj Humnay Tod Diya, Rishta-e-Umeed
Lo Ab Kabhi Gila Na Karengay Kisi Say Hum
Thookra Na Dein Jahan Ko Kahin Bay Dili Say Hum
Tang-Aa-Chukay
Gar Zindagi Mein Mil Gaye Phir Ittifaaq Say
Puchengay Apna Haal Teri Bay-basi Say Hum
Thookra Na Dein Jahan Ko Kahin Bay Dili Say Hum
Tang-Aa-Chukay
Oh Aasaman Waley Kabhi To Nigaah Kar
Ab Tak Yeh Zulm Sehetay Rahey Khamushi Say Hum
Thukra Na Dein Jahan Ko Kahin Be-Dili Se Hum
Tang-Aa-Chukay
Thukra Na Dein Jahan Ko Kahin Be-Dili Se Hum
Tang-Aa-Chukay
