Dil giraftaa hi sahii bazm sajaali jaye

Dil giraftaa hi sahii bazm sajaali jaye

Yaad E janaN se koi shaam na khaali jaye

Rafta-rafta yahi zandaaN mein badal jate hain

Ab kisi shahr ki buniyaad na daali jaye

Mushaf E rukh hai kisi ka K beyaaz E Hafiz

Aise chehre se kabhi faal nikaali jaye

Wo murawwat se mila hai to jhukadun gardan

Mere dushman ka koi waar na khaali jaaye

Be-nawaa shahr ka saaya hai mere dil pe ‘Faraz’

Kis tarah se meri aashufta khyaali jaye

(Ahmad Faraz)

Related Posts

Share this page:

0 Comments

Write a Comment

Your email address will not be published.
Required fields are marked *