Bahut roya woh hum ko yaad kar ke

Bahut roya woh hum ko yaad kar ke

Hamaari zindagii  barbaad kar ke

PalaT kar phir yahiN aajayeNge hum

Woh dekhe to hamaiN aazaad karke

Rihaayii ki koi soorat nahii hai

Magar haaN! minnat E saiyaad kar ke

Badan mera chhuaa tha usne lekin

Gaya hai rooh ko aabaad kar ke

Har aamir tool dena chaahta hai

Muqarrar zulm ki mee’aad kar ke

(parveen shakir)

Related Posts

Share this page:

0 Comments

Write a Comment

Your email address will not be published.
Required fields are marked *