Mot o Hayat ka Mqsad kia hai, Aakhir kuch Maloom to ho

Mot o Hayat ka Mqsad kia hai, Aakhir kuch Maloom to ho
Lafz to hain sdyon ke purane, in ka koi Mfhoom to ho

Chahe Farishton ki boli ho, Maine bharna Mera Kaam 
Loh e Moqaddar par lekin ik Harf Kahin Marqoom to ho

Sot o sada par Pabndi Tkmeel nahi Khamoshi ki 
Sanson ki Aawaz bhi roko, Sannate ki Dhoom to ho

Is ke Qdmon par Barsain gay Naslon ki Tehseen ke Phool
Shayar is se Qabal magar Ghalib ki tarah Marhoom to ho.

(AHMED NADEEM QAZMI)

Related Posts

Share this page:

0 Comments

Write a Comment

Your email address will not be published.
Required fields are marked *