Apni ruswayi tere naam ka charcha dekhon

Apni ruswayi tere naam ka charcha dekhon
Ik zara sher kahon aur mein kia kia dekhon

Neend aajaye to kia mehfilein barpa dekhon
Aankh khul jaye to tnhayi ka sehra dekhon

Sham bhi ho gayi dhundhla gayin aankhein meri
Bhulne wale mein kab tk tera rstah dekhun

Sb zidein us ki mein puri karon har baat sunu
Aik bache ki tarah se use hansta dekhon

Mujh pe cha jaye jo barsaat ki khushboo ki tarah 
Ang ang apna usi rut mein mehkta dekhon

Tu meri tarah se yakta hai magar mere habeeb
Ji mein aata hai koi aur bhi tujh sa dekhun 

Mein ne jis lamhe ko pooja hai use bas ik baar
Khawab bn kar teri aankhon mein utar ta dekhon

Tu mera kuch nahi lgta hai magar jaan e hayat
Jane kiun tere liye dil ko dharakta dekhon
(PARVEEN SHAKIR)

Related Posts

Share this page:

0 Comments

Write a Comment

Your email address will not be published.
Required fields are marked *