Ab To Shahron Se Khabar Aati Hai

Ab To Shahron Se Khabar Aati Hai Divanon Ki

Koi Pahchan Hi Baaqi Nahin Viranon Ki

 

Apni  Poshak Se Hushyar Ki Khuddam-E-Qadim

Dhajjiyan Mangte Hain Apne Garebanon Ki

 

San.Aten Phailti Jaati Hain Magar Is Ke Saath

Sarhaden Tutti Jaati Hain Gulistanon Ki

 

Dil Men Vo ZaKhm Khile Hain Ki Chaman Kya Shai Hai

Ghar Men Barat Si Utri Hui Gul-Danon Ki

 

Un Ko Kya Fikr Ki Main Paar Laga Ya Duuba

Bahas Karte Rahe Sahil Pe Jo Tufanon Ki

 

Teri Rahmat To Musallam Hai Magar Ye To Bata

Kaun Bijli Ko Khabar Deta Hai Kashanon Ki

 

Maqbare Bante Hain Zindon Ke Makanon Se Buland

Kis Qadar Auj Pe Takrim Hai Insanon Ki

 

Ek Ik Yaad Ke Hathon Pe CharaKhon Bhare Tasht

Kaba-E-Dil Ki Faza Hai Ki Sanam-Khanon Ki

 

 

.::Ahmed Nadeem Qasmi::.

Related Posts

Share this page:

0 Comments

Write a Comment

Your email address will not be published.
Required fields are marked *