Zindagi Ko ZaKhm Ki Lazzat Se Mat

Zindagi Ko ZaKhm Ki Lazzat Se Mat Mahrum Kar

Raste Ke Pattharon  Se Khairiyat Ma-Alum Kar

 

Tuut Kar Bikhri Hui Talvar Ke TukDe Samet

Aur Apne Haar Jaane Ka Sabab Ma-Alum Kar

 

Jagti  Ankhon Ke  Khvabon Ko Ghazal Ka Naam De

Raat Bhar Ki Karvaton  Ka Zaiqa  Manzum Kar

 

Shaam Tak Laut Aunga  Hathon Ka Khali-Pan  Liye

Aaj Phir Nikla Huun Main Ghar Se Hatheli Chuum Kar

 

Mat Sikha Lahje Ko Apni  Barchhiyon Ke Paintare

Zinda  Rahna Hai To Lahje Ko Zara Ma-Asum Kar

 

 

.::Rahat Indori::.

Related Posts

Share this page:

0 Comments

Write a Comment

Your email address will not be published.
Required fields are marked *