Daagh duniya ne diye zakhm zamaane say miley

Daagh duniya ne diye zakhm zamaane say miley, 
Hum ko yeh tohfay tumhain dost bananay say miley.. 

Hum tarastay hi tarastay hi tarastay hi rahay, 
Woh falanay say falanay say falanay say miley.. 

Khud say mil jatay to chaahat ka bharam reh jaata, 
Kya miley aap jo logo kay milane se miley.. 

Kesay manayen kay unhain bhool gaya tu aey kaif, 
Un kay khatt aaj humain tere sarhane say miley..

Related Posts

Share this page:

0 Comments

Write a Comment

Your email address will not be published.
Required fields are marked *