apne maazi ke tasawwur se hrasan hon mein

apne maazi ke tasawwur se hrasan hon mein
apne guzray hue ayyaam se nafrat hai mujhe

apni bekaar tamannaon pay sharminda hon
apni be sood umedon pay nedamat hai mujhe

mere maazi ko andheron mein daba rehne doo
mera maazi meri zillat ke siwa kuch bhi nahi

meri umedon ka haasil meri kawish ka sila
ik be naam aziat ke siwa kuch bhi nahi

kitni bekaar umedon ka sahara le kar
mein neh ewaan sajaye thay kisi ki khatir

kitni be rabt tamannaon ke mabham khakay
apne khowaboon mein basaye thay kisi ki khatir

mujh se ab meri mohabbat ke fasanay nah kaho
mujh ko kehnay doo kay mein neh inhen chaha hi nahi

aur woh mast nigehain jo mujhe bhool gayeen
mein neh un mast nigahon ko saraha hi nahi

Related Posts

Share this page:

0 Comments

Write a Comment

Your email address will not be published.
Required fields are marked *