Chashm-E-Mayaguun Zaraa Idhar Kar De

Chashm-E-Mayaguun Zaraa Idhar Kar De
Dast-E-Kudarat Ko Be-Asar Kar De

Tez Hai Aaj Dard-E-Dil Saaqii
Talkhi-E-May Ko Tez-Tar Kar De

Josh-E-Vahashat Hai Tishnaakaam Abhii
Chaak-E-Daaman Ko Taazagaar Kar De

Merii Qismat Se Khelane Vaale
Mujh Ko Qismat Se Bekhabar Kar De

Lut Rahii Hai Merii Mataa-E-Niyaaz
Kaash! Vo Is Taraf Nazar Kar De

'Faiz' Takmiil-E-Aarazuu Maaluum
Ho Sake To Yuu.N Hii Basar Kar De

Related Posts

Share this page:

0 Comments

Write a Comment

Your email address will not be published.
Required fields are marked *