Tum Bhi ek Deep Jala Daina

Apnay Aangan May Nafrat Ki,

Yeh Jalti Aag Bujha Daina.

 

Ham Pyar Ki, Shammain Laiay Hain

Tum Bhi ek Deep Jala Daina.

 

Jo Khet Jala Voh Apna Tha

Jo Khoon Baha Voh Bhi Apna Tha

 

Jo Kuch Bhi Huva Achcha Na Huva

Ab Waqt Hay Oosko Bhula Daina

 

Ham Hath Hawa Ke Bhaijaingay

Khushbu Lahore Ki Mitti Ki

 

Tum Bhi Ravi Ki Lahron Per

Dilli Ke Phool Baha Daina

 

Apnay Ghar Ki Diwaron Ko

Uncha Karna Sab Ka Haq Hy

 

Lekin Jo Diwarain Dil Mae Hain

Voh Sari Aaj Gira Daina

 

Voh Pyar Bhala Kab Rukta Hy

Diwaron Se Talvaron Sae

 

Ham Dur Say Hath Hila Daingay

Tum Dur Say Hi Muska Daina !!

 

Khush-Hal Raho Dilshad Raho

Tum Phoolo Phalo Aabad Raho

 

Ham Tum Ko Duaayain Daitay Hain

Tum Bhi Ham Ko Yeh Dua Daina

 

Yeh Pyar Khuda Bhagwan Bhi Hy

Yeh Pyar Hi Masjid Mandir Hy

 

Jo Sabaq Sikhayae Nafrat Ka

Voh Masjid Mandir Dha Daina::.

Related Posts

Share this page:

0 Comments

Write a Comment

Your email address will not be published.
Required fields are marked *