Zakhm Ko Phul To Sar Sar Ko Saba Kahte Hein
Jane Kya Daur Hai Kya Log Hein Kya Kahte Hein
Kya Qayamat Hai Ke Jin Ke Liye Ruk Ruk Ke Chale
Ab Vahi Log Hamain Abalapa Kahte Hein
Koi Batalao Ke Ik Umr Ka Bichara Mahabub
Ittefaqan Kahin Mil Jaye To Kya Kahte Hein
Ye Bhi Andaz-E-Sukhan Hai Ke Jafa Ko Teri
Gamza-O-Ishva-O-Andaz-O-Ada Kahte Hein
Jab Talak Dur Hai Tu Teri Parastish Kar Lain
Ham Jise Chu Na Sakain Us Ko Khuda Kahte Hein
Kya Tajjub Hai Ke Ham Ahl-E-Tamanna Ko 'Faraz'
Wo Jo Maharum-E-Tamanna Hein Bura Kahte Hein
.::AHMED FARAZ::.
