Tarp utt ta hai dil lafzoon mai dhorai nahi jati

Tarp utt ta hai dil lafzoon mai dhorai nahi jati

Zaban pe karbala ki dataan lai nahi jati

 

Hussain ibn e ali ke gham mai hon dunya se begana

Hujoom e khalq mai bhi meri tanhai nahi jati

 

Udaasi chaa rahi hai rooh per sham e ghareeban ki 

Tabiyat hai ke bhailane se bhelai nahi jati

 

Kaha ABBAS ne afsoos bazo kat gaie mere

Sakina tak ye mushq  e aab le jai nahi jati

 

Suna hai karbala ki khak hai akseer se barh kar 

Ye mitti aankh mai lene se binai nahi jati

 

Daleel is se ho barh kar kiya shaheedon ki taharat per

Ke maiyaat dafan ki jati hai nehlia nahi jati

 

Kaha shabbir ne ABBAS tum mujh ko sahara do

Ke tanha lash e akbar mujh se dafnai nahi jati

 

Hussainiyat ko pana hai tou takkar le yazeedon se 

Ye wo manzil hai jo lafzoon mai samjhai nahi jati

 

Koi bhi door ho tou hi imam e gham teharta hai

Gham e shabbir teri shan e yaktai nahi jati

 

Naseer akhir adowat ke bhi kuch adab hote hain 

Kisi bemaar ko zanjeer pehnai nahi jati

Related Posts

Share this page:

0 Comments

Write a Comment

Your email address will not be published.
Required fields are marked *