Hum Tujh se Wadah Karte Hain

Aye arz-e-watan aye Pak watan hum tujh se wada karte hain
Hum teri rah mein apnay lahu ki mashal roshan kardain gay
Har zarrah tera muqaddas hai aye arz-e-watan hum teray liye
Ho jaan ki zarurat jaan dein gay ho sar ki zarurat sar daingay
Aye arz-e-watan aye Pak watan hum tujh se wada karte hain
Hum sinah sapar hain teray liye aur tujh say wadah kartay hain
Hum teray dast-o-baazu par koi zakham na aanay dein gay kabhi 
Tera zarrah tabindah teri aan rahay gi paindah
Jaan hamari jaye magar teri aan na janay dein gay kabhi
Aye arz-e-watan aye Pak watan hum tujh se wada karte hain
Tera kuchah kuchah manawar hai teri khak hamara muqaddar 
Tera hona hum say barh kar teri khatir hum mar jayain gay
Taray betay hain murdan jurri teri baat na girnay deingay kabhi
Koi aanch nah aaye tujh peh kabhi kuch aisa hum kar jayain gay
Aye arz-e-watan aye Pak watan hum tujh se wada karte hain
Hai rushk chaman tera ghuncha rakhta hai ajub khushbuye wafa
Yeh buye wafa mehkay gi sada hum tujh se wada karte hain
Teri baat barhay teri aan barhay tera naam barhay teri shaan barhay
Taqdeer hamari nikharti hai jab teray gesu sanwartay hain

Aye arz-e-watan aye Pak watan hum tujh se wada karte hain
Aye arz-e-watan aye Pak watan hum tujh se wada karte hain
 

Related Posts

Share this page:

0 Comments

Write a Comment

Your email address will not be published.
Required fields are marked *