Zara Thehro Dua Ke Saath Hi Inaam Le Jana

Zara Thehro Dua Ke Saath Hi Inaam Le Jana
Idhar Tum Ja Rahe Ho Mera Pegham Le Jana

 

Mere Aansoo Zara Daman Se Apne Ponchhte Jao
Agar Le Ja Sako Meri Akeli Shaam Le Jana

 

Usey Kehna Zaroori Ho Agar Qeemat Shab e Gham Ki
To Ye Toota Hua Dil Chun Ke Apne Daam Le Jana

 

Usey Kehne Mere Aansoo, Mera Qarza Ada Kar Dey
Bus Us Key Paas Ye Mera Zara Sa Kam Le Jana

 

Usey Kehna, Usey Kehna Nahi! Kuch Bhi Nahi Kehna
Mat Uskey Saamne Mera Koi Pegham Le Jana

 

Magar Tum Jab Kaho Ge Sath Chalne Ko, To Haazir Hun
Me To Hun Sada Banda Be Daam... Le Jana 

Related Posts

Share this page:

0 Comments

Write a Comment

Your email address will not be published.
Required fields are marked *