"Ishhq" Mein Ne Likh Dala "Qomiat" Ke Khanaay Mein
Aur "Tera Dil" Likha" Shehriat" Ke Khanaay Mein
Mujh Ko Tajarbon Ne Hi Baap Ban Ke Paala Hai
Sochta Hon Kya Likhon "Waldiyat" Ke Khanaay Mein ?
Mera Sath Deti Hai, Mere Sath Rehti Hai
Mein Ne Likha "Tanhai", "Zojiat" Ke Khanaay Mein
Doston Se Ja Kar Jab Mahswara Kya To Phir
Mein Ne Kuch Nahi Likha "Hesiyat" Ke Khanaay Mein
Imteha Mohabbat Ka Paas Kar Liya Mein Ne
Ab Yahi Mein Likhon Ga "Ahliat" Ke Khanaay Mein
Jab Se Aap Mere Hain, Fakhr Se Mein Likhta Hon
Naam Aap Ka Apni "Malkiat" Ke Khanaay Mein
By Aamir Ameer
