Kitnay Aish Uratay Hongay Kitnay Itraatay Hongay

Kitnay Aish Uratay Hongay Kitnay Itraatay Hongay
Kitnay Aish Uratay Hongay Kitnay Itraatay Hongay

Kitnay Aish Uratay Hongay Kitnay Itraatay Hongay

Jaane Kaisay Log Woh Hongay Jo Us Ko Bhaate Hongay

 

Us Ki Yaad Ki Baad-E-Sabaa Mein Aur To Kya Hotaa Hoga

Yun he Merey Baal Hain Bikhray Aur Bikhar Jaatey Hongay

 

Woh Jo Na Aanay Walaa Hai Na Us Se Mujh Ko Matlab Thaa

Aanay Walon Say Kya Matlab,  Aatay Hain Aatay Hongay

 

Shaam Hue Khush Baash Yehaan Ke Mere Paas Aa Jaatay Hain

Mere Bujhnay Ka Nazaara Karney Aa Jaatey Hongay

 

 Meraa Saans Ukha?tey Hi Sab Bain Karengay Roengay

Yaani Mere Baad Bhi Yaani Saans Liye Jaatey Hongay

 

Yaaro Kuch To Haal sunao Us Key Qayaamat Baanhon Ka

Woh Jo Semattey Hongay Un Mein Woh To Mar Jaatey Hongay

 

Related Posts

Share this page:

0 Comments

Write a Comment

Your email address will not be published.
Required fields are marked *