Halaat Kay Qadmon Pay Qalandar Nahi Geerta

Halaat Kay Qadmon Pay Qalandar Nahi Geerta
Halaat Kay Qadmon Pay Qalandar Nahi Geerta

Halaat Kay Qadmon Pay Qalandar Nahi Geerta
Tootay Bhi Jo Tara To Zamee Par Nahi Geerta

Geertay Hain Samandar Mein Badray Shuoq Say Dariya
Lekin Kisi Dariya Mein Samandar Nahi Geerta

Samjhoo Wahan Phal Daar Shajar Koi Nahi Hai
Woh Sayhan Kay Jis Mein Koi Pathar Nahi Geerta

Itna To Huwa Faida Barish Ki Kami Ka
Is Shehar Mein Ab Koi Phisal Kar Nahi Geerta

Inaam Kay Lalach Mein Likhay Madah Kisi Ki
Itna To Kabhi Koi Sukhan-war Nahi Geerta

Heyraan Hai Kayei Roz Se Thehra Huwa Pani
Taalaab Mein Ab Kyun Koi Kanker Nahi Geerta

Is Bandah Khuddar Pay Nabiyon Ka Hai Saya
Jo Bhook Mein Bhi Luqmah-e-Tar Par Nahi Geerta

Karna Hai Jo Sir Markah-e-Zeist To Soun Lay
Be Bazooye Haider Dur-e-Khyber Nahi Geerta

Qayim Hai Qateel Ab Yeh Meray Sir Ke Satoon Par
Bhonchal Bhi Aaye To Mera Ghar Nahi Geerta

Related Posts

Share this page:

0 Comments

Write a Comment

Your email address will not be published.
Required fields are marked *