Mujhey Khat Mila Hai Ghanim Ka

Mujhey Khat Mila Hai Ghanim Ka
Mujhey Khat Mila Hai Ghanim Ka

Mujhey Khat Mila Hai Ghanim Ka
Bardi Ujlatoon Mein, Likha Howa

 

Kahin Ranjashoon Ki Kahaniyan
Kahin Dhamkion Ka Hai Silsila

 

Mujhe Keh Diya Hai Ameer Ne
Karo Husn-e-Yaar Ka Tazkara

 

Tumhe Kya Pari Hai Ke Raat Din
Kaho Hakemon Ko B?ura Bhala

 

Tumhe Fikr-e-Umar Aziz Hai
To Nah Hakemon Ko Khafa Karo

 

Jo Ameer-e-Shehar Kahey Tumhey
Wohi Shairi Mein Kaha Karo

 

Koi Waardaat Ke Din Ki Ho
Koi Saaniha Kisi Raat Ho

 

Nah Ameer-e-Shehar Ka Ziker Ho
Nah Ghanim-e-Waqt Ki Baat Ho

 

Kahin Taar Taar Houn Asmatain
Meray Doston Ko Nah Dosh Do

 

Jo Kahein Ho Daaka Zani Agar
To Nah Kotwaal Ka Naam Lau

 

Kisi Taak Mein Hain Lagey Huaye
Merey Jaan Nisar Gali Gali

 

Hain Merey Isharay Ke Muntazir
Merey Askari Merey Lashkari

 

Jo Tumharay Jaisay Jawan They
Kabhi Merey Agay Ru?ke Nahi

 

Inhein Is Jahan Say Uttah Di?ya
Woh Jo Merey Agay Jhooke Nahi

 

Jinhein Maal-O-Jaan Aziz They
Woh To Merey Dar Say Pi?ghal Gaye

 

Jo Tumhari Tarhan Uthey Bhi To
Unhein Bomb Ke Sholay Nigal Gaye

 

Merey Jaan Nisaron Ko Hukum Hai
Ke Gali Gali Yeh Payam Dein

 

Jo Ameer-e-Shehar Ka Hukum Hai
Bina Aiteraaz Woh Maan Lein

 

Jo Mere Mafaad Ke Haq Mein Hain
Wohi Adliya Mein Raha Karein

 

Mujhey Jo Bhi Dil Say Qubool Hon
Sabhi Faislay Woh Howa Karein

 

Jinhein Mujh say Kuch Nahi Vaastaa
Inhein Apney Haal Pay Choor Do

 

Woh Jo Sar-Kashi Ke Hon Murtakib
Inhein Gardanon Say Maror Do

 

Woh Jo Bay Zameer Hain Shehar Mein
Unhein Zar Ka Sikka Uuchaal Do

 

Jinhein Apney Darsh Aziz Hon
Unhein kaal Kothrhi Mein Daal Do

 

Jo Mera Khateeb Kahey Tumhey
Wohi Asal Hai Esay Maan Lau

 

Jo Mera Imam Bayan Kerey
Wohi Deen Hai Sabhi Jaan Lau

 

Jo Ghareeb Hain Merey Shehar Mein
Inhein Bhook Piyaas Ki Maar Do

 

Koi Apna Haq Jo Talabb Kerey
To Usay Zameen Mein Utaar Do

 

Jo Merey Habib-O-Rafeeq Hain
Inhein Khob Maal-O-Minal Do

 

Jo Mere Khilaaf Hain Boltay
Inhein Nokari Se Nikaal Do

 

Jo Hain Bay Khatta Wohi Dar-Ba-dar
Yeh Ajeeb Traz?-e-Nisaab Hai

 

Jo Gunah Karein Wohi Muatebar
Yeh Ajeeb Roz?-e-Hisaab Hai

 

Yeh Ajeeb Ruut Hai Bahaar Ki
Ke Har Ek Zair-e-Ataab Hai

 

Kahin Par Shikasta Hai Fakhta
Kahin Zakham Zakham Gulaab Hai

 

Merey Dushmanon Ko Jawab Hai
Nahi Ghasibon Pay Shafeeq Mein

 

Merey Hakemon Ko Khabar Karo
Nahi Aamron Ka Rafeeq Mein

 

Mujhey Zindagi Ki Hawas Nahi
Mujhe Khof-e- Merg Nahi Zara

 

Mera Harf Harf Lahoo Lahoo
Mera Lafz Lafz Hai Aabla.

Related Posts

Share this page:

0 Comments

Write a Comment

Your email address will not be published.
Required fields are marked *